Projektligji që synon faljen e gjobave për shkelësit e masave të vendosura gjatë periudhës së pandemisë COVID-19 është proceduar në Kuvend pa përkrahjen e Komisionit për Shëndetësi dhe Mirëqenie Sociale.

Shqyrtimi i këtij projektligji në mbledhjen e sotme të Komisionit për Shëndetësi përplasi pozitën me opozitën, në të cilën katër anëtarë votuan kundër këtij Projektligji, kurse tre ishin pro.

Derisa partia në pushtet e kundërshtoi këtë projektligj duke e konsideruar diskriminues, opozita e mbështeti atë.

Propozuesi i këtij projektligji, Nol Nushi adresoi kritika për Kuvendin e Kosovës për trajtimin me vonesë të kësaj iniciative ligjore.

“Projektligji është dorëzuar në qershor të vitit 2021. Këtë e kam si kritikë për vonesat e paarsyeshme të institucioneve në trajtimin e një projektligji që ka vetëm 5 faqe. Për ta trajtuar këtë projektligj ka pasur nevojë ka shumë është end po besoj nëpër procedura burokratike totalisht pa nevojë dhe është dekurajuese për qytetarët e Kosovës të cilët kanë propozime tjera për projektligje”, tha ai./arbresh.info/